आरती बेवड्यांच्या देवाची !
आरती विजुभाऊ । बेवड्यांचे तुम्ही ताऊ ।
ड्राय शहर ओले केले । किती धन्यवाद देऊ ।। आरती ..
देतो त्याला म्हणू देव । तुम्ही देवाधिदेव ।
तुमच्यामुळे बेवड्यांचे । फुटतील गावोगावी पेव ।। आरती …
गुत्तेवाल्यांवरी तुम्ही । केले अनंत उपकार ।
उपकार फेडावया । तुमच्या मागेपुढे धाऊ ।। आरती…
खंडणी मागायाला । नका कोणाकडे जाऊ ।
घरपोच पेट्यांमध्ये । आम्ही धाडु तुमचा खाऊ ।। आरती …
संस्थांनाही आता आमच्या। नाव तुमचेच देऊ।
फोटु लावुन बारामध्ये। तुमची आरतीच गाऊ ।। आरती..
कवी -- अनिल शेंडे।