पाटणा : ६ जानेवारी – पटना शहरातील बायपास परिसरात आठवीच्या वर्गातील मुलीवर एकाच रात्री दोनदा सामूहिक बलात्कार झाल्याची घटना समोर आली. मिळालेल्या माहितीनुसार, गोलू आणि त्याच्या 3 मित्रांनी शेतात तिच्यावर सामूहिक बलात्कार केला होता. त्यानंतर प्रमोद नावाच्या तरुण पीडित तरुणीला घेऊन त्याचा मित्र मुकेशच्या घरी गेला. तिथे नेल्यानंतरही नराधम हैवानांनी पीडितेवर सामूहिक बलात्कार केला. त्यानंतर मुलीला जवळच्या मंदिरात सोडण्यात आलं. पाटणा पोलिसांनी याबाबतची माहिती दिलीये.सोमवारी संध्याकाळची ही घटना आहे. या गँगरेप प्रकरणी पाटणा पोलिसांनी ३ आरोपींना अटक केली आहे. पाटणा पोलिसांनी दिलेल्या माहितीनुसार, सर्व आरोपींनी आपला गुन्हा कबूल केला आहे. सर्व आरोपींविरुद्ध पॉक्सो कायद्याअंतर्गत गुन्हा दाखल केला आहे.
पीडित विद्यार्थिनी २ जानेवारी रोजी जल्ला हनुमान मंदिराजवळ विद्यार्थी कोचिंगवरून घरी जात होती. आरोपी नराधमांची नजर मुलीवर पडली. पटना सिटी बायपास पोलिस स्टेशन परिसरातूनच आरोपीने मुलीचं अपहरण केलं. त्याच रात्री पाच मुलांनी मुलीवर रात्रभर सामूहिक बलात्कार केला आणि तिला शनिचरा मंदिराजवळ सोडून दिले. हे प्रकरण समोर आल्यानंतर पाटणा पोलिसांनी या प्रकरणाचा तपास सुरू केला. त्यानंतर पाटणा पोलिसांनी या प्रकरणातील तीन आरोपी मुकेश कुमार, सुग्रीव कुमार आणि गोलू कुमारला तीन दिवसांनंतर अटक केली आहे. पोलिसांनी दिलेल्या माहितीनुसार, मुलगी कोचिंगवरून परतत असताना गोलू कुमारने तिचं अपहरण केलं आणि शेजारील शेतात नेले. तिथे त्याने प्रमोद आणि सुग्रीव या दोन मित्रांना बोलावले. त्यानंतर सर्वांनी मुलीवर आळीपाळीने जबरदस्तीने बलात्कार केला. पोलिसांनी दिलेल्या माहितीनुसार, मुलगी कोचिंगवरून परतत असताना गोलू कुमारने तिचं अपहरण केलं आणि शेजारील शेतात नेले. तिथे त्याने प्रमोद आणि सुग्रीव या दोन मित्रांना बोलावले. त्यानंतर सर्वांनी मुलीवर आळीपाळीने जबरदस्तीने बलात्कार केला.
त्यानंतर प्रमोदने पीडितेला मित्र मुकेशच्या घरी नेलं. तिथे सर्वांनी आळीपाळीने तिच्यावर बलात्कार केला. पीडितेच्या आईच्या तक्रारीनंतर आरोपींविरोधात पोलिसांनी गुन्हा दाखल केला आहे. पाटना पोलिसांनी गुरुवारी तीन आरोपींना अटक केली आहे. अटक करण्यात आलेल्या तिन्ही आरोपींनीही आपल्या गुन्ह्याची कबुली दिली आहे. पुढील तपासासाठी पोलीस कोचिंग क्लासेस आणि आसपासच्या भागातील सीसीटीव्ही कॅमेरे चेक करत आहेत.