यवतमाळ : ९ मार्च – यवतमाळ जिल्ह्यातील आर्णी तालुक्यातील आयता गावात गॅस सिलेंडरचा स्फोट होऊन या गॅस सिलेंडरच्या स्फोटात मायलेकीचा होरपळून मृत्यू झाला आहे. सौ. काजल विनोद जैस्वाल (३०) तर वैभवलक्ष्मी विनोद जयस्वाल (५) अशी आगीत होरपळून मृत्यू झालेल्यांची नावे आहे.
आयता गावातील विनोद जैस्वाल यांच्या घरी गॅस सिलेंडरचा स्फोट झाला. यात संपूर्ण घर जळून खाक झाले. या स्फोटात आई आणि मुलीचा होरपळून मृत्यू झाला. घरातून पेट्रोल, डिझेलची अवैध विक्री करत असल्याची माहिती आहे. घरी पेट्रोल, डिझेल असावं असा अंदाज व्यक्त करण्यात येत आहे. सिलेंडरच्या सिलेंडर स्फोट इतका भीषण असल्याने मोठा आवाज झाला घटनास्थळी ग्रामस्थांनी आग विझविण्यासाठी आटोकाट प्रयत्न केले. तातडीने अग्निशामक दलाच्या गाडीने पाण्याचा मारा करून आग आटोक्यात आणली. आगीत होरपळून माय लेकीचा मृत्यू झाल्याने परिसरात हळहळ व्यक्त केली जात आहे.
काजल जैस्वाल या सकाळी चहा करायला गॅस पेटवायला गेल्या. दरम्यान, मोठा स्फोट झाला. या स्फोटात त्या जळाल्या. त्यांच्या बाजूलाच ५ वर्षाची मुलगी वैभवलक्ष्मी मुलगी होती. तीचाही आगीत होरपळुन मृत्यू झाला.
