बीड: १४ नोव्हेंबर – दारू पिऊन आलेल्या पतीसोबत भांडण झाल्यानंतर पत्नीने दोरीने गळा आवळून पतीचा खून केला आणि पतीने आत्महत्या केल्याचा कांगावा केल्याची घटना परळी तालुक्यातील गोवर्धन हिवरा येथे घडली आहे. याप्रकरणी पत्नीवर खुनाचा गुन्हा नोंद करण्यात आलाय गेवराईची घटना ताजी असतानाच पुन्हा एकदा परळीत त्याच प्रकारे घटना घडल्याने बीड जिल्ह्यात खळबळ उडाली आहे.
हनुमान उर्फ राजाभाऊ अशोक काकडे वय ३० हिवरा तालुका परळी असे मयत व्यक्तीचे नाव आहे. शिरसाळा पोलीस ठाण्यातील कर्मचारी बुरान नसीर शेख यांच्या फिर्यादीनुसार ११ नोव्हेंबर रोजी रात्री हनुमान दारू पिऊन घरी आल्यानंतर पत्नी वैष्णवी हिच्या सोबत त्याचे जोराचे भांडण झाले. त्यानंतर वैष्णवीने खोलीचा दरवाजा लावून त्याचं आयुष्य संपवलं आणि त्यानंच गळफास घेतल्याचा कांगावा केला.
पतीचा खून केल्यानंतर वैष्णवीने सुताची दोरी छताच्या खिळ्याला अडकवली त्यानंतर दरवाजा उघडून हनुमानने दोरीने छताला गळफास घेऊन आत्महत्या केल्याचा कांगावा करत श्रीसाळा पोलिसांना तशी खबर दिली. त्यामुळे पोलीस कर्मचारी बुरहान नसेल पुढे राऊत भडगे यांनी घटनास्थळी जाऊन पाहणी केली असता हनुमान पलंगावर उताण्या स्थितीत पडल्याची दिसून आले इतर नातेवाईकांच्या मदतीने पोलिसांनी हनुमानला प्राथमिक उपचार केंद्रात दाखल केले असता तिथून त्यास परळी येथे हलवण्यात आले परंतु शासकीय रुग्णालयात डॉक्टरांनी हनुमानला तपासून मयत घोषित केले.
दरम्यान परळीच्या रुग्णालयात हनुमानच्या मृतदेहाची उत्तरीय तपासणी करण्यात आली त्यातून गळा दाबल्याने त्याचा मृत्यू झाल्याचे निष्पन्न झाले. डॉक्टरांच्या अभिप्रायानंतर सिरसाळा पोलिसांनी वैष्णवी हिच्यावर खुनाचा गुन्हा नोंद करून तिला ताब्यात घेतले.
