नवी दिल्ली : २९ मे – पंतप्रधान नरेंद्र मोदी यांची ८९ वी मन की बात आज प्रसारित झाली. भारतानं आणखी एका मैदानात शतक केलं आहे. आपण ५ मे रोजी यूनिकॉर्नची संख्या १०० पर्यंत पोहोचवली आहे, असं मोदी म्हणाले. एक यूनिकॉर्न म्हणजे साडेसात हजार कोटी रुपयांचं स्टार्ट अप असतं, असं नरेंद्र मोदी म्हणाले. आपल्या एकूण यूनिकॉर्न पैकी ३९ गेल्या वर्षी बनले होते. तर या वर्षी १४ बनले आहेत, असं मोदी म्हणाले. भारत जगावर असलेल्या करोना संकटाच्या काळात यूनिकॉर्नच्या क्षेत्रात काम करत होता. आपले आपले यूनिकॉर्न्स विविधतापूर्ण आहे, असं नरेंद्र मोदींनी म्हटलं. स्टार्ट अप इंडिया नव्या भारताच्या भावनेला प्रेरित करत आहे. छोट्या गावातून उद्योजक पुढे येत आहेत. ज्यांच्याकडे संकल्पना आहे ते लोक संपत्ती निर्माण करु शकतात, असं मोदी म्हणाले. पंतप्रधान मोदी यांनी आंतरराष्ट्रीय योग दिनासंदर्भात भाष्य केलं.
स्टार्टअप चालवणाऱ्यांना योग्य मार्गदर्शन मिळाल्यास ते प्रगती करतात. स्टार्टअपला मार्गदर्शन केल्यास ते चांगली प्रगती करु शकतात, असं मोदी म्हणाले. श्रीधर वेम्बूची यांना पद्म पुरस्कार मिळाला आहे, ते दुसऱ्या उद्योजकांना प्रेरित करत आहेत. ग्रामीण युवकांना गावात काम करण्यास प्रेरित करत आहेत. मदन पडाखी हे दक्षिण आणि पश्चिम भारतात काम करत आहेत. मीरा शेनॉय या ग्रामीण, आदिवासी आणि दिव्यांग युवकांना मार्गदर्शन करत आहेत, असंही मोदी म्हणाले.
आपल्या देशात स्टार्टअपसाठी योग्य वातावरण तयार झालं आहे. मला तामिळनाडूतील तंजावूर येथील महिला बचतगटानं एक भेटवस्तू पाठवली आहे. महिला बचतगटानं दिलेल्या तंजावूर डॉलला जीआय टॅग देखील मिळाला आहे. तंजावूरच्या महिलांचं मी अभिनंदन करतो, असं नरेंद्र मोदी म्हणाले.
आपल्या देशात अनेक भाषा, लिपी आहेत. ही विविधता आपल्याला एक देश म्हणून मजबूत करतात. कर्नाटकमधील कल्पना हिनं केवळ तीन महिन्यात कन्नड भाषा शिकली आणि ९२ टक्के गुण मिळवले. कल्पना मूळची उत्तराखंड येथील रहिवासी आहे. कल्पना या तिसऱ्या वयाची असताना त्यांनी डोळे गमावले. तरी देखील त्यांनी केलेल्या कामाला धन्यवाद देतो, असं मोदी म्हणाले.
पंतप्रधान नरेंद्र मोदी यांनी स्वातंत्र्याच्या अमृत महोत्सवानिमित्त यावर्षीचा योग दिवस देशातील ७५ शहरांमध्ये मोठ्या उत्साहात साजरा केला जाईल, असं म्हटलं. यावर्षीचा योग दिवस हा मानवतेसाठी योग या भावनेतून साजरा करुया, असं मोदी म्हणाले.
