नवी दिल्ली : १८ मे – वाराणसीतील काशी विश्वेश्वर मंदिराशेजारी उभ्या असलेल्या ज्ञानव्यापी मशिदीच्या सर्वेक्षणावरुन वातावरण तापलं असताना आहा दिल्लीतील जामा मशिदीवरुन हिंदू सभेने एक दावा केला आहे.
वाराणसीतील ज्ञानवापी मशिदीतील विहिरीत शिवलिंग सापडल्याचा दावा हिंदू पक्षाने केला आहे. हा वाद ताजा असतानाच आता हिंदू महासभेने दिल्लीतील जामा मशिदीच्या पायऱ्यांखाली हिंदू देवी- देवतांच्या मूर्त्या पुरल्या आहेत, असा दावा केला आहे. इतकंच नव्हे तर, हिंदू महासभेने थेट पंतप्रधान नरेंद्र मोदींना पत्र लिहलं आहे.
हिंदू महासभेचे अध्यक्ष स्वामी चक्रपाणी यांनी पंतप्रधान नरेंद्र मोदी यांना एक पत्र लिहलं आहे. या पत्रात त्यांनी जामा मशिदीचे सर्वेक्षण करण्याची मागणी केली आहे. तसंच, मशिदीच्या पायऱ्यांखाली हिंदू देवी- देवतांच्या मूर्त्या पुरल्या आहेत. त्यामुळं या जागेचं खोदकाम करुन त्या मूर्त्या बाहेर काढण्यात यावा, असंही या पत्रात नमूद करण्यात आलं आहे.
हिंदू महासभेने पत्रात इतिहासातील घटनांचा उल्लेख केला आहे. औरंगजेबच्या दरबारातील इतिहासकार शाही मुस्ताक यांनी १७१०मध्ये लिहलेल्या पुस्ताकात या घटनेचा उल्लेख केला होता. खानजहां बहादुरने जोधपूरमधील हिंदू मंदिरांमध्ये लूटमार केली. शेकडो वाहनांमध्ये ती संपत्ती भरुन तो औरंगजेब समोर आला. त्यावेळी औरंगजेब त्याच्यावर खुश होऊन त्यातील मौल्यवान वस्तु आपल्या तिजोरीत ठेवण्याचे आदेश दिले. तसंच, हिंदू देवी- देवतांच्या मू्र्त्या दिल्लीतील जामा मशिदीच्या पायऱ्यांखाली पुरुन टाकण्याचे आदेश दिले, असं या पत्रात म्हटलं आहे.
मशिदीच्या पायऱ्यांखाली पुरलेल्या देवी- देवतांच्या मूर्त्या बाहेर काढण्याचे आदेश संबंधित विभागाला देण्यात जावे. जेणेकरुन त्या मूर्त्यांची पुजा करु शकतो, अशी मागणी त्यांनी केली आहे.
