मुंबई : ६ एप्रिल – सक्तवसुली संचलनालयाने अर्थात ईडीने 31 मार्च रोजी नागपूरमधील वकील सतीश उके आणि त्यांचे बंधू प्रदीप उके यांनी ताब्यात घेतले होते. आज ( बुधवार ) मुंबई सत्र न्यायालयातील पीएमएलए कोर्टात हजर केल्यानंतर उके बंधून 11 एप्रिलपर्यंत ईडी कोठडी सुनावली आहे. त्यामुळे उके बंधूना मोठा धक्का मानला जात आहे.
कोट्यावधींचा भूखंड बळकावत आर्थिक गैरव्यवहार केल्याप्रकरणी नागपूरमधील वकील सतीश उके आणि त्यांचे बंदू प्रदीप उके यांना मुंबई सत्र न्यायालयातील विशेष पीएमएलए कोर्टानं 6 एप्रिलपर्यंत ईडी कोठडी सुनावली होती. आज त्यांची कोठडी संपत असल्याने न्यायालयात हजर करण्यात आले. तेव्हा न्यायाधीश एम. जी. देशपांडे यांनी उके बंधूंच्या कोठडीत 11 एप्रिलपर्यंत वाढ केली आहे.
मी देवेंद्र फडणवीस आणि नितीन गडकरींविरोधात खटले लढलो आहे. न्या. लोया प्रकरणात माझ्यावर दबाव टाकण्यात आला होता. देवेंद्र फडणवीस यांच्या सहकार्याने मला धमकावण्यात आले असल्याचा दावा उके यांनी आपल्या युक्तिवादात केला. मला ताब्यात घेताना सांगण्यात आले नाही की कोणत्या कारणास्तव ताब्यात घेतले जात आहे. 2016 मध्ये लोयांची केस हाताळताना माझावर हल्ला झाला होता. मी पोलीस तक्रार केली पण घेतली नाही. माझ्या कार्यालयाची तोडफोड करण्यात आल्याची माहिती सतीश उके यांनी न्यायालयात दिली होती.