वाशिम : १६ फेब्रुवारी – लग्नाला गेलेल्या वऱ्हाडींना घेऊन जाणाऱ्या वाहनाचा अपघात झाल्याने एकाच कुटुंबातील चार जण ठार तर नऊ जखमी झाले. ही घटना शेलू बाजार – वाशिम रस्त्यावर घडली आहे. जखमींपैकी ६ जणांची प्रकृती चिंताजनक असून त्यांना अकोला येथील रुग्णालयात दाखल करण्यात आले.
शेलू बाजार वरून वाशिमला येत असताना वाहन रस्त्यावर उभ्या ट्रॅक्टरला धडकले. यात सावंगा जहांगीर येथील भारत शंकर गवई, पूनम भारत गवई, सम्राट भारत गवई आणि ऋतिका भारत गवई यांचा मृत्यू झाला. या अपघाताची माहिती मिळताच वाशिमचे आरडीसी शैलेश हींगे यांनी तात्काळ जिल्हा आरोग्य यंत्रणासह सर्व यंत्रणांना सुचना देऊन वेळीच मदत मिळाल्याने पुढील अनर्थ टळला हे विशेष. अपघात स्थळी वाशिम पोलीस अधीक्षक बच्चन सिंह तसेच पोलीस अधिकारी कर्मचारी उपस्थित होते.
शेलुबाजार ते वाशिम रोडवरील सोयता फाट्याजवळ तुरीचे कुटार भरलेल्या MH37A9287 ट्रॅक्टरचा आणि MH 48 P1445प्रवासी मॅक्जीमो वाहनाचा भीषण अपघात झाला. या अपघातात चार जणांचा मृत्यू झाला असून आठ जण जखमी झाल्याचा प्राथमिक अंदाज आहे. यापैकी चार जखमींना पुढील उपचारासाठी अकोला जिल्हा रुग्णालयात पाठविण्यात आले असून जखमींवर वाशिम येथे उपचार चालु आहेत. प्रवाशी वाहन हे सावंगा (जहागीर) ता.जी.वाशिम येथील असल्याची माहिती आहे.