चंद्रपूर : २९ डिसेंबर – चंद्रपुर-मूल मार्गावरील घंटाचौकीजवळ बुधवारी सकाळच्या सुमारास चारचाकी व दुचाकी वाहनात भीषण अपघात झाला. यात दोघांचा मृत्यू झाला आहे. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.
मिळालेल्या माहितीनुसार, भीमराव तोडास, सलीम शेख अशी मृतकांची नावं आहेत. हे चंद्रपुर इथून मूलकडे जात होते. अशातच मूल कडून येत असलेल्या चारचाकी वाहनाने दुचाकीला जोरदार धडक दिली. यात दोघांचा मृत्यू झाला. या घटनेची माहिती रामनगर पोलिसांना देण्यात आली. पोलिसांनी घटनास्थळी दाखल होऊन पंचनामा केला. पुढील तपास पोलीस करीत आहेत.
दरम्यान, पोलिसांनी घटनास्थळावरून दोघांचाही मृतदेह ताब्यात घेतला असून तो शवविच्छेदनासाठी नजिकच्या स्थानिक रुग्णालयात पाठवण्यात आला आहे. तर अपघाताची माहिती मिळाल्यानंतर कुटुंबियांनाही मोठा धक्का बसला आहे.